Oliver Bosbyshell

Oliver Bosbyshell

James Pollock ca. 1890
Biografía
Nacemento	3 de xaneiro de 1839 Vicksburg, Mississippi.
Morte	1 de agosto de 1921 (82 anos) Filadelfia, Pensilvania.
Causa da morte	Ictus
Lugar de sepultura	Cimeterio West Laurel Hill.
Datos persoais
País de nacionalidade	Estadounidense
Actividade
Ocupación	Director da Casa da Moeda de Filadelfia.
Partido político	Partido Republicano
Familia
Cónxuxe	Martha Stem.
Sinatura

Oliver Christian Bosbyshell, nado en Vicksburg, Mississippi, o 3 de xaneiro de 1839 e finado en Filadelfia o 1 de agosto de 1921, foi un militar e alto funcionario estadounidense, participante na guerra civil do seu país, que ocupou o cargo de superintendente da Casa da Moeda de Filadelfia entre 1889 e 1894.

Bosbyshell asumiu a causa da Unión ao estoupar a guerra civil e, logo de participar en varias batallas, acadou o rango de comandante e dirixiu o seu propio rexemento.

Logo de abandonar o exército en 1864, emprendeu dous negocios sen éxito e tamén participou en política do lado dos republicanos, e nas actividades do Gran Exército da República, un grupo de veteranos.

En 1869 ingresou na Casa da Moeda de Filadelfia, na que foi nomeado cuñador xefe en 1876 e superintendente en 1889, posto que ocupou durante catro anos. No exercicio deste cargo viuse afectado por unha controversia pola desaparición de lingotes de ouro, aínda que finalmente foi liberado de calquera responsabilidade.

Nos seus derradeiros anos de vida exerceu tamén como directivo dunha compañía de seguros.